Արևային էներգետիկայի ոլորտի սեմինար-քննարկում
Մայիս 08 2025
Քոլեջը, հետևողականորեն իրագործելով աշխատանքի վրա հիմնված ուսումնառության (ԱՀՈՒ) կազմակերպման օրենսդրական բարեփոխումները, սույն թվականի ապրիլի 30-ին արևային էներգետիկայի ոլորտի աշխատաշուկայի ներկայացուցիչների հետ կազմակերպել էր սեմինար-քննարկում:
Քննարկումն ուղղված էր օրենսդրական բարեփոխումների առանցքում ԱՀՈՒ համակարգի կատարելագործմանը, աշխատաշուկայում պահանջված որակյալ մասնագետների պատրաստմանը, սոցիալական գործընկերության խթանմանը և քոլեջի գործունեության արդյունավետության բարձրացմանը։
Քննարկումների ընթացքում կարևորվեցին ոլորտի մարտահրավերները, առկա խնդիրները և դրանց լուծման ուղիները, նոր համագործակցության ստեղծմանը և ընդլայնմանը վերաբերող հարցեր, գործընկերներին հանձնվեցին «ՈՒՍՈՒՄՆԱՌՈՒԹՅԱՆ ԿԱԶՄԱԿԵՐՊՄԱՆ ՄԱՍԻՆ ՓՈԽԸՆԲՌՆՄԱՆ ՀՈՒՇԱԳՐԵՐԸ»:
Սեմինարի արդյունքում արևային էներգետիկայի ոլորտի գործընկեր կազմակերպությունների և քոլեջի միջև ձեռք բերվեցին մի շարք գործնական պայմանավորվածություններ։