Մայիսի 25-ին  ժամը 13:00-ին  քոլեջում  կայացավ  «Կրթություն և կարիերա EXPO-2021» միջոցառումը, որի շրջանակներում քոլեջում հյուրընկալվեցին մի քանի դպրոցների ավարտական դասարանների աշակերտները:

Տարեցտարի նորանոր մասնագիտություններ են ավելանում և դժվար է կողմնորոշվել մասնագիտության ընտրության հարցում: Այս միջոցառումը յուրօրինակ մի ուղեցույց էր 9-րդ դասարանի աշակերտների համար: Միջոցառմանը ներկայացվեցին քոլեջը և քոլեջի բոլոր մասնագիտությունները, կազմակերպվեց շրջայց՝ մասնագիտական կողմնորոշման նպատակով: Միջոցառմանը մասնակցեցին քոլեջի ուսանողները /ուսխորհուրդ/, դասախոսները, կարիերայի ուղղորդման պատասխանատուները, գիտաիննովացիոն բաժինը, ներքին որակի պատասխանատուն: